اقتٶبەنٸڭ مۇعالجار اۋدانى قاندىاعاش قالاسىندا كٶپقاباتتى ٷيدٸڭ تەرەزەسٸنەن 1 جاسار بالا قۇلاپ, مەرت بولدى, دەپ حابارلايدى "ۇلت اقپارات".
قاندىاعاش قالاسىنىڭ ورتالىق اۋداندىق اۋرۋحاناسىنىڭ جانساقتاۋ بٶلٸمٸنە بٸر جاسار سەبي جەتكٸزٸلدٸ. بٸرنەشە ساعاتتان كەيٸن بالا اۋرۋحانادا كٶز جۇمدى.
تەرگەۋ بارىسىندا انىقتالعانداي, بالا قوناق بٶلمەدە تەرەزەنٸڭ قاسىندا ويناپ جٷرٸپ, 5-شٸ قاباتتىڭ تەرەزەسٸنەن قۇلاپ كەتكەن.
«كٶبٸنە 2-7 جاس ارالىعىنداعى بالالاردىڭ تەرەزەدەن قۇلاپ كەتۋ قاۋپٸ بار. مۇنداي جازاتايىم وقيعالاردىڭ الدىن الۋ ٷشٸن بالالاردى ٷيدە قاراۋسىز قالدىرماۋ قاجەت. جيھازدى بالا تەرەزەگە كٶتەرٸلەتٸندەي ەتٸپ قويماڭىز. تەرەزەگە قويىلاتىن توردىڭ ساپالى تٷرٸ دە بالانىڭ سالماعىن كٶتەرە المايدى. بالالاردى قورعاۋ ٷشٸن تەرەزەلەرگە ارنايى فيكساتور ورناتۋ قاجەت. ول بالاعا تەرەزەنٸ بٸرنەشە سانتيمەتردەن ارتىق اشۋعا مٷمكٸندٸك بەرمەيدٸ», - دەيدٸ اقتٶبە وبلىسى پد جەرگٸلٸكتٸ پوليتسييا قىزمەتٸنٸڭ يۋۆەنالدى پوليتسييا اعا ينسپەكتورى نۇرجان مۋكۋموۆ.
