Aqtóbede jeksenbi jáne mereke kúnderi bazarlar jumys isteidi. Aqtóbe oblystyq bas memlekettik sanitariia dárigeriniń jańa qaýlysy shyqty, dep habarlaidy "Ult aqparat".
Aqtóbe oblysynyń bas memlekettik sanitariia dárigeri shyǵarǵan qaýlyda birqatar jeńildik bar.
Buǵan deiin jeksenbi jáne mereke kúnderi bazarlar jabyq turdy.
Endi saýda-oiyn-saýyq ortalyqtary, saýda úileri, saýda jelileriniń qyzmetine jumys jáne senbi kúnderi ishki tártipke sáikes, jeksenbi jáne mereke kúnderi saǵat 10:00 – 17:00-ge deiin ruqsat berildi.
Sonymen birge osy obektilerdegi balalardyń oiyn alańy men attraktsiondar qyzmetine tyiym salynady.
Jabyq azyq-túlik jáne azyq-túlik emes bazarlardyń qyzmetine jumys jáne senbi kúnderi ishki tártipke sáikes, jeksenbi jáne mereke kúnderi saǵat 08:00 – 17:00-ge deiin ruqsat berildi.
Balalar kabinetteriniń/túzetý ortalyqtarynyń, balalar jáne eresekter bilim ortalyqtarynyń qyzmeti de ishki tártip boiynsha retteledi.
Tek bala sany 15-ten aspaýy tiis. Balabaqshadaǵy kezekshi topta bala sany 20-dan aspaýy tiis.
Buǵan deiin 15 balaǵa ǵana ruqsat berilgen bolatyn.
Qaýlyda shekteý sharasy da qamtylǵan. Aqtóbede jańa jyldyq keshter, erteńgilikter ótkizýge tyiym salyndy.
Otbasylyq basqosýlar da ótkizýge bolmaidy. Jinalys, keńes, seminarlar uiymdastyrýǵa shekteý qoiylǵan.
