© Photo : pixabay/asommerh
Aqtóbe oblysy ákiminiń orynbasary Jaqsyǵali Imanqulov qańǵybas it talap tastaǵan 12 jastaǵy balanyń ólimine bailanysty jaýapkershilik sezinetinin málimdedi, dep jazady Sputnik Qazaqstan portaly "Moi gorod" portalyna silteme jasap.
Eske sala ketsek, 9 maýsymda qurylys alańynda kóptegen jarasy bar balanyń denesi tabyldy.
"Ekinshi naýryzda janýarlarǵa jaýapkershilikpen qaraý týraly zań qabyldandy. Ol kúshine enýi úshin itter men mysyqtardy ustaý týraly zańǵa qosymsha aktiler qajet. Olar tirkeýden ótti, biraq 60 kúnnen keiin, iaǵni 18 shildeden soń kúshine enedi. Sodan keiin qarajat bólip, aýlanǵan itterdi baǵýmen ainalysqysy keletinder arasynda konkýrs ótkizý kerek", - dep túsindirdi Jaqsyǵali Imanqulov.
Sheneýnik jýrnalisterdiń "bolǵan oqiǵa úshin jaýapkershilikti sezinesiz be?" degen suraǵyna Imanqulov "iá" dep jaýap berdi. Óitkeni ózi osy baǵytqa jaýapty ekenin atap ótti.
Eger jumysyn oryndai almady deitin bolsa, otstavkaǵa ketýge daiyn ekenin jetkizdi.
Aita keteri, 25 mamyrdan 10 maýsymǵa deiin Aqtóbede 274 it joiylǵan.
