© Photo : pixabay/asommerh
اقتٶبە وبلىسى ەكٸمٸنٸڭ ورىنباسارى جاقسىعالي يمانقۇلوۆ قاڭعىباس يت تالاپ تاستاعان 12 جاستاعى بالانىڭ ٶلٸمٸنە بايلانىستى جاۋاپكەرشٸلٸك سەزٸنەتٸنٸن مەلٸمدەدٸ, دەپ جازادى Sputnik قازاقستان پورتالى "موي گورود" پورتالىنا سٸلتەمە جاساپ.
ەسكە سالا كەتسەك, 9 ماۋسىمدا قۇرىلىس الاڭىندا كٶپتەگەن جاراسى بار بالانىڭ دەنەسٸ تابىلدى.
"ەكٸنشٸ ناۋرىزدا جانۋارلارعا جاۋاپكەرشٸلٸكپەن قاراۋ تۋرالى زاڭ قابىلداندى. ول كٷشٸنە ەنۋٸ ٷشٸن يتتەر مەن مىسىقتاردى ۇستاۋ تۋرالى زاڭعا قوسىمشا اكتٸلەر قاجەت. ولار تٸركەۋدەن ٶتتٸ, بٸراق 60 كٷننەن كەيٸن, ياعني 18 شٸلدەدەن سوڭ كٷشٸنە ەنەدٸ. سودان كەيٸن قاراجات بٶلٸپ, اۋلانعان يتتەردٸ باعۋمەن اينالىسقىسى كەلەتٸندەر اراسىندا كونكۋرس ٶتكٸزۋ كەرەك", - دەپ تٷسٸندٸردٸ جاقسىعالي يمانقۇلوۆ.
شەنەۋنٸك جۋرناليستەردٸڭ "بولعان وقيعا ٷشٸن جاۋاپكەرشٸلٸكتٸ سەزٸنەسٸز بە?" دەگەن سۇراعىنا يمانقۇلوۆ "يە" دەپ جاۋاپ بەردٸ. ٶيتكەنٸ ٶزٸ وسى باعىتقا جاۋاپتى ەكەنٸن اتاپ ٶتتٸ.
ەگەر جۇمىسىن ورىنداي المادى دەيتٸن بولسا, وتستاۆكاعا كەتۋگە دايىن ەكەنٸن جەتكٸزدٸ.
ايتا كەتەرٸ, 25 مامىردان 10 ماۋسىمعا دەيٸن اقتٶبەدە 274 يت جويىلعان.
