Foto: Pixabay.com
Aqtóbedegi Eset batyr turǵyn úi alabynda balaly áielge itter shabýyl jasady. Áiel eki jasar ulyn qorǵap qalǵan, biraq itter turǵynnyń aiaǵyn tistep tastaǵan, - dep habarlaidy Tengrinews.kz tilshisi "Diapazon" saityna silteme jasap.
Áieldiń jubaiynyń aitýynsha, ol saǵat 19.00 shaasynda úshinshi yqshamaýdannan tórtinshi yqshamaýdanǵa shyqqan. Bir top it áielge shabýyl jasaǵanda qasynda eki jasar uly bolǵan.
"Áielim aýyryp, ine salydrýǵa kórshi úidegi týystaryna shyqqan. Balamyz qasynda boldy. Itter shabýyl jasaǵanda, ol balany kóterip, qoltyǵyna qysyp alǵan. Biraq itter ózine shabýyl jasaǵan. Áielime kómektesýge eki adam júgirip kelip, itterdi qýyp jiberipti. Balamyz qatty qoryqyp qaldy. Qazir itterden qorqady. Áielimdi aýrýhanaǵa alyp ketti, qazir ekpe saldyryp júr. Qurylys alańyndaǵylar munda itter jii júretinin aitty. Olar qoryqpaidy. Meniń áielime ǵana emes, basqa bir jigitke de shabýyl jasapty. Ol itterdi qorqytyp, qashyp úlgergen", - dep bólisti er adam.
Veterinariia basqarmasy málimetinshe, jyl basynan 2 naýryzǵa deiin oblysta 3792 it, Aqtóbe qalasynda 2294 it aýlanyp, joiylǵan. Janýarlarǵa jaýapkershilikpen qaraý týraly jańa zań kúshine engennen beri 2 naýryzdan beri oblysta 4 302 qańǵybas it aýlanǵan.
