Foto: astanatv.kz
Aqtóbede avtokólikterdi alyp-satý shemasy boiynsha qarjylyq piramida uiymdastyrǵan, - dep habarlaidy "Ult aqparat" Qarjy monitoringi agenttigine silteme jasap.
Vedomstvo málimetinshe, salymshylardyń kóligin bólip tóleý arqyly, naryqtaǵy baǵadan qymbatqa satyp alyp, úshinshi tulǵalarǵa arzanyraq satqan. Qylmysty QMA Aqtóbe oblysy boiynsha departamentiniń qyzmetkerleri óńirlik prokýratýramen jáne UQKD-men birlesip, Astana qalasy boiynsha ekonomikalyq tergep-tekserý departamentiniń kómegimen anyqtaǵan.
"Auto Seller" JShS lombard keipindegi qarjylyq piramida Aqtóbe oblysynyń aýmaǵynda 2022 jylǵy naýryzdan bastap jumys jasaǵan. Materialdyq zalal somasy 300 million teńgeden asady.
Lombard qyzmetkerleri avtokólik ielerine (tirkeý esebine qaramastan) kólikterin joǵary baǵamen satyp alýdy usynǵan. Notarialdy kýálandyrylmaǵan, resmi tirkelmegen, bólip tóleýdi kózdeitin, satyp alý-satý sharttaryn jasasqan. Sodan keiin kólikter úshinshi tulǵalarǵa tómen baǵamen satyldy, al túsken aqsha óz múlkin satqysy keletin kelesi salymshylarǵa tólendi", - delingen habarlamada.
"Auto Seller" JShS zańdy mekenjaiy boiynsha tintý barysynda tehnika, zańsyz qyzmetke qatysty qujattama, dini sipattaǵy ádebietter jáne bank kartalary tárkilengen. Sot sheshimi boiynsha kúdiktiler eki ai merzimge qamaýǵa alyndy.
