Aqtóbede jergilikti ýaqytpen 9:30-daǵy derek boiynsha sailaýshylardyń 14,37 paiyzy óz tańdaýyn jasady. Sailaýda jastar da belsendi, dep habarlaidy QazAqparat.
Aqtóbe oblystyq sailaý komissiiasynyń tóraiymy Gúlnár Kúnbaevanyń aitýynsha, búgin saǵat 9:30-da sailaý ótip jatqan aýyl turǵyndarynyń 14,37 paiyzy óz tańdaiyn jasady. Iaǵni, 4601 adam daýys berdi. Eń belsendisi Qarǵaly aýdanynyń turǵyndary. Sondai-aq Temir aýdanynyń jastary da tańdaý jasady.
«Men 18 jasqa tolyp, týǵan jerim Sarkól aýyldyq okrýginiń ákimin sailaý quqyǵyna ie boldym. Elimizdiń bolashaǵy - jastardyń qolynda. Men tańdaýymdy jasadym. Zamandastarymdy da belsendi bolýǵa shaqyramyn», - dedi Mahambet Saǵyntaev.
Aityp óteiik, sailaýǵa alǵash qatysqandar men eń aldymen sailaý ýchaskesine kelip tańdaý jasaǵandarǵa estelik syilyq berildi.
«Aýyl ákimderin sailaý tártibimen taǵaiyndaý biz úshin jaqsy jańalyq. Men týǵan jerimniń jarqyn bolashaǵy úshin óz tańdaýymdy jasadym. Sóitip aýylymnyń órkendeýi, áleýmettik-ekonomikalyq jaǵdaiynyń ósýi jolynda úles qostym dep esepteimin», - dedi Sarkól aýylynyń jas mamany Mádina Saǵyntaeva.
