اقتٶبەدە جەرگٸلٸكتٸ ۋاقىتپەن 9:30-داعى دەرەك بويىنشا سايلاۋشىلاردىڭ 14,37 پايىزى ٶز تاڭداۋىن جاسادى. سايلاۋدا جاستار دا بەلسەندٸ, دەپ حابارلايدى قازاقپارات.
اقتٶبە وبلىستىق سايلاۋ كوميسسيياسىنىڭ تٶرايىمى گٷلنەر كٷنباەۆانىڭ ايتۋىنشا, بٷگٸن ساعات 9:30-دا سايلاۋ ٶتٸپ جاتقان اۋىل تۇرعىندارىنىڭ 14,37 پايىزى ٶز تاڭدايىن جاسادى. ياعني, 4601 ادام داۋىس بەردٸ. ەڭ بەلسەندٸسٸ قارعالى اۋدانىنىڭ تۇرعىندارى. سونداي-اق تەمٸر اۋدانىنىڭ جاستارى دا تاڭداۋ جاسادى.
«مەن 18 جاسقا تولىپ, تۋعان جەرٸم ساركٶل اۋىلدىق وكرۋگٸنٸڭ ەكٸمٸن سايلاۋ قۇقىعىنا يە بولدىم. ەلٸمٸزدٸڭ بولاشاعى - جاستاردىڭ قولىندا. مەن تاڭداۋىمدى جاسادىم. زامانداستارىمدى دا بەلسەندٸ بولۋعا شاقىرامىن», - دەدٸ ماحامبەت ساعىنتاەۆ.
ايتىپ ٶتەيٸك, سايلاۋعا العاش قاتىسقاندار مەن ەڭ الدىمەن سايلاۋ ۋچاسكەسٸنە كەلٸپ تاڭداۋ جاساعاندارعا ەستەلٸك سىيلىق بەرٸلدٸ.
«اۋىل ەكٸمدەرٸن سايلاۋ تەرتٸبٸمەن تاعايىنداۋ بٸز ٷشٸن جاقسى جاڭالىق. مەن تۋعان جەرٸمنٸڭ جارقىن بولاشاعى ٷشٸن ٶز تاڭداۋىمدى جاسادىم. سٶيتٸپ اۋىلىمنىڭ ٶركەندەۋٸ, ەلەۋمەتتٸك-ەكونوميكالىق جاعدايىنىڭ ٶسۋٸ جولىندا ٷلەس قوستىم دەپ ەسەپتەيمٸن», - دەدٸ ساركٶل اۋىلىنىڭ جاس مامانى مەدينا ساعىنتاەۆا.
