Búgin tańerteń Aqtóbe qalasynda jorlaýshylar avtobýsy men taksi kóligi soqtyǵysty. Saldarynan 26 adam zardap shekti, dep habarlaidy "Ult aqparat" Polisia.kz saityna silteme jasap.
Málim bolǵandai, Ǵ.Jubanova men Ó.Seiitov kóshesiniń qiylysynda taksi qyzmetine tiesili «Volkswagen Polo» kóligi men №37 baǵyttaǵy «PAZ» avtobýsy soqtyǵysty. Saldarynan jolaýshylar kóligi aýdarylyp, onda bolǵan 26 adam (19 áiel, 7 er adam) meditsinalyq brigadalar men patrýldik politseilerdiń kómegimen Aqtóbe qalasynyń Jedel járdem aýrýhanalaryna jetkizildi.
«Jol-kólik oqiǵasyna qatysty tergeý bastaldy. Aqtóbe oblystyq Politsiia departamenti júrgizýshilerden kóktaiǵaq kezinde jolda asa saq bolýǵa shaqyrady. Jyldamdyq rejimin qatań saqtap, ara-qashyqtyqty ustaný qajet. Sondai-aq jol erejelerin saqtaýǵa, negizsiz manevrler jasamaýǵa jáne kenetten toqtamaýǵa keńes beredi», - delingen aqparatta.
