Foto: Aqtóbe oblystyq PD
Aqtóbede 23.00-den keiin úlkendersiz kóshede júrgen 227 bala tabyldy, -dep habarlaidy "Ult Aqparat".
"Kámeletke tolmaǵandar arasyndaǵy quqyq buzýshylyqtardyń aldyn alý jáne balalar men jasóspirimderdiń túngi ýaqytta oiyn-saýyq mekemelerinde jáne turǵyn úilerden tys jerlerde eresekterdiń erip júrýinsiz bolýyn boldyrmaý maqsatynda 2024 jylǵy 15-17 shilde aralyǵynda Aqtóbe qalasynda “Túngi qaladaǵy balalar” jedel-aldyn alý is-sharasy ótkizildi", -dep habarlaidy Aqtóbe oblysynyń politsiia deportamenti.
Shara barysynda politsiiaǵa 259 jasóspirim jetkizildi, onyń ishinde saǵat 23.00-den keiin úiden tys jerde bolǵany úshin 227 kámeletke tolmaǵan ákelinse, onyń 22-si oiyn-saýyq oryndarynan jetkizildi.
Mysaly, oiyn-saýyq mekemelerin tekserý barysynda 11-shaǵyn aýdanda ornalasqan kafelerdiń birinde 16 jasar jasóspirim eresekterdiń erip júrýinsiz bolǵany anyqtaldy. Onyń zańdy ókiline qatysty QR ÁQBtK 442-baby 1-bóligi boiynsha ákimshilik hattama toltyryldy. Budan basqa, mekeme ákimshisi QR ÁQBtK-niń 132-baby 1-bóligi boiynsha ákimshilik jaýapkershilikke tartyldy.
Iývenaldyq politsiia profilaktikalyq esepke 34 adamdy, onyń ishinde 2 qaraýsyz jáne panasyz qalǵan adamdy aldy. Sondai-aq, jasóspirim balalardy tárbieleýmen ainalyspaityn 4 qolaisyz otbasy baqylaý esebine alyndy.
