فوتو: اقتٶبە وبلىستىق پد
اقتٶبەدە 23.00-دەن كەيٸن ٷلكەندەرسٸز كٶشەدە جٷرگەن 227 بالا تابىلدى, -دەپ حابارلايدى "ۇلت اقپارات".
"كەمەلەتكە تولماعاندار اراسىنداعى قۇقىق بۇزۋشىلىقتاردىڭ الدىن الۋ جەنە بالالار مەن جاسٶسپٸرٸمدەردٸڭ تٷنگٸ ۋاقىتتا ويىن-ساۋىق مەكەمەلەرٸندە جەنە تۇرعىن ٷيلەردەن تىس جەرلەردە ەرەسەكتەردٸڭ ەرٸپ جٷرۋٸنسٸز بولۋىن بولدىرماۋ ماقساتىندا 2024 جىلعى 15-17 شٸلدە ارالىعىندا اقتٶبە قالاسىندا “تٷنگٸ قالاداعى بالالار” جەدەل-الدىن الۋ ٸس-شاراسى ٶتكٸزٸلدٸ", -دەپ حابارلايدى اقتٶبە وبلىسىنىڭ پوليتسييا دەپورتامەنتٸ.
شارا بارىسىندا پوليتسيياعا 259 جاسٶسپٸرٸم جەتكٸزٸلدٸ, ونىڭ ٸشٸندە ساعات 23.00-دەن كەيٸن ٷيدەن تىس جەردە بولعانى ٷشٸن 227 كەمەلەتكە تولماعان ەكەلٸنسە, ونىڭ 22-سٸ ويىن-ساۋىق ورىندارىنان جەتكٸزٸلدٸ.
مىسالى, ويىن-ساۋىق مەكەمەلەرٸن تەكسەرۋ بارىسىندا 11-شاعىن اۋداندا ورنالاسقان كافەلەردٸڭ بٸرٸندە 16 جاسار جاسٶسپٸرٸم ەرەسەكتەردٸڭ ەرٸپ جٷرۋٸنسٸز بولعانى انىقتالدى. ونىڭ زاڭدى ٶكٸلٸنە قاتىستى قر ەقبتك 442-بابى 1-بٶلٸگٸ بويىنشا ەكٸمشٸلٸك حاتتاما تولتىرىلدى. بۇدان باسقا, مەكەمە ەكٸمشٸسٸ قر ەقبتك-نٸڭ 132-بابى 1-بٶلٸگٸ بويىنشا ەكٸمشٸلٸك جاۋاپكەرشٸلٸككە تارتىلدى.
يۋۆەنالدىق پوليتسييا پروفيلاكتيكالىق ەسەپكە 34 ادامدى, ونىڭ ٸشٸندە 2 قاراۋسىز جەنە پاناسىز قالعان ادامدى الدى. سونداي-اق, جاسٶسپٸرٸم بالالاردى تەربيەلەۋمەن اينالىسپايتىن 4 قولايسىز وتباسى باقىلاۋ ەسەبٸنە الىندى.
