Aqtóbede politsiia qyzmetkerleri iri kólemde esirtki tasymaldaǵan sheteldikti ustady, dep habarlaidy "Ult aqparat".
Aqtóbe oblystyq politsiia departamenti Esirtki qylmysyna qarsy is-qimyl basqarmasynyń qyzmetkerleri «Migrant» jedel-izdestirý sharasyn ótkizdi. «Samara-Shymkent» tas jolynyń 972 shaqyrymynda kólik quralyn sanktsiiasyz tintip, Bishkek qalasynda turatyn Qyrǵyzstannyń 44 jastaǵy azamaty aidap kele jatqan júk kóliginen jalpy salmaǵy 22 keliden asatyn «marihýana» esirtki zaty tabylyp, tárkilendi.
«Aqtóbe oblysynyń politsiia departamenti Qylmystyq kodekstiń 296-babynyń 4-bóliginiń sanktsiiasyna sáikes (Asa iri mólsherde esirtki zattaryn zańsyz saqtaý) tergeýdi bastady. Esirtki quraldaryn, psihotroptyq zattardy, sol tektesterdi ótkizý maqsatynsyz zańsyz daiyndaý, óńdeý, satyp alý, saqtaý, tasymaldaýǵa úsh jyldan jeti jylǵa deiingi merzimge bas bostandyǵynan aiyrý jazasy qarastyrylǵanyn eske salady», - dedi oblystyq PD baspasóz qyzmetiniń jetekshisi Erbolat Sarqulov.
