Aqtóbe oblysynyń Óńirlik kommýnikatsiialar qyzmetindegi baspasóz konferentsiiasy aiasynda «Rýhani jańǵyrý» jobalyq ofisiniń jańa kitaptarynyń tusaýy kesildi.
Búgingi kúni 10 myń dana taralymmen filosofiia, áleýmettaný, psihologiia, ekonomika, menedjment, kásipkerlik, dintaný, lingvistika, mádeniettaný, antropologiia jáne jýrnalistika siiaqty pánder boiynsha 18 oqýlyq aýdarylyp, jaryqqa shyǵaryldy.
«Jyl aiaǵyna deiin áli de 30 kitapty aýdarý josparlanyp otyr. 2018 jylǵy qyrkúiekten bastap olardyń barlyǵy oqý úrdisinde qoldanylatyn bolady. Bul oqýlyqtardyń elektrondy nusqasy Ulttyq aýdarma biýrosynyń saityna salynatyn bolady, onda qyzyǵýshylyq tanytqan adamdardyń barlyǵy olardy tegin paidalana alady», - dedi Aqtóbe oblysynyń «Rýhani jańǵyrý» jobalyq ofisiniń bas menedjeri Nurlyhan Hasenov.
Aýdarmalar túpnusqadan tárjimalandy. 18 oqýlyqtyń on altysy aǵylshyn tilinen, bireýi – frantsýz jáne endi bireýi orys tilinen aýdaryldy. Aýdarma úshin oqýlyqtar belgili bir kriteriiler boiynsha tańdalyndy.
«Birinshiden, olar álemniń júz ýniversitetiniń oqý baǵdarlamalarynda qoldanylýy tiis, ekinshiden, kitap keminde úsh ret qaita basylyp shyǵýy tiis jáne úshinshiden, oqýlyq mazmuny jaǵynan ideologiialyq beitaraptyq talaptaryna sáikes kelýi kerek. Aýdarý protsesine mamandar arasynan 40 úzdik aýdarmashy tartyldy», - dep sózin jalǵastyrdy Nurlyhan Hasenov.
Aqtóbe oblysynyń joǵarǵy oqý oryndary búgingi tańda 6422 dana kitap aldy. JOO men AOOO-da, sondai-aq, Aqtóbe oblysynyń aýdandarynda «Jańa gýmanitarlyq bilim. Qazaq tilindegi 100 jańa oqýlyq» arnaiy jobasy boiynsha alǵashqy 18 kitaptyń tusaýkeseri boldy, onda ǵalymdar men stýdentter arasynda oń pikirlerge ie boldy.
«Jańa gýmanitarlyq bilim. Qazaq tilindegi 100 jańa oqýlyq» jobasyn júzege asyrý maqsatynda 2017 jyly «Ulttyq aýdarma biýrosy» qoǵamdyq qory qurylǵan bolatyn.
