Aqtóbedegi №74 orta mektepten shý shyqty. Meditsina qyzmetkerleri birinshi synyp oqýshylaryna mantýdyń ornyna btsj vaktsinasyn ekken. Bul qatelikti ata-analar eki apta ótken soń bilgen. Endi 42 balanyń jaqyndary jaýapsyz meditsina qyzmetkerlerin jaýapqa tartýdy talap etip otyr, dep habarlaidy Astana arnasy.
Ata-analardyń aitýynsha, balalardyń kópshiligi ózderin jáisiz sezingen. Ekpe salǵan jer qatty isip, irińdegen. Tipti, qoldaryn kótere almai qalǵandary da bolypty. Anyqtai kele, balalarǵa mantýdyń ornyna iyqqa salatyn tiri vaktsina egilgeni anyqtaldy.
""Jivaia vaktsina" engizilip ketken. Ol aǵzadaǵy barlyq jasýshany oiatady deidi. Endi bastalyp jatyr. Protsess júrip jatyr. Mine, eki jetiden asyp ketti. Bala qolyn kótere almaidy. Bezderi shoshynǵan. Qoltyq asty. Tamaq bezderi shoshynǵan. Ózimen ózi jata beredi. Álsizdik paida boldy", - deidi ata-ana Raýshan Isaeva.
Al meditsina qyzmetkerleri ata-analardan alty aidy kútýdi suraǵan. Sol kezde vaktsina kúshi joiylatyn kórinedi.
"Qutynyń syrtynda jazylyp turady eken bári. Túsi de basqa bolady. Sonda qalai shatastyrǵan? Túk túsiniksiz. Bilek terisi óte juqa. Aǵzaǵa vaktsina túsip úlgerdi. Olar bizge 6 ai kútýdi suraidy. Kútip otyratyn bolsań, eshkim kepildik bermeidi. Múgedektikke alyp kelýi múmkin", - deidi taǵy bir ata-ana Shynar Bekbolatqyzy.
Bul vaktsinany salǵan meditsina qyzmetkerleri jeke klinikanyń mamandary kórinedi. Olar memlekettik tapsyrys boiynsha qyzmet kórsetken. Osyndai jaǵdaidan keiin dáriger de, medbike de jumystan bosatylǵan. Prokýratýra tekseris júrgizip jatyr.
"Qatelikti jibergen - meditsina qyzmetkerleri. Olar óz qatelikterin moiyndap otyr. Endi 42 bala osyndai jaǵdai bolǵan soń, ne bolatynyn eshkim aita almaidy. Tek qana bizdiń ózimiz aitatynymyz, basqa jerge salynyp, tehnikalyq aqaý ketkeni ras. Keshegi sheshim boiynsha bul balalardyń barlyǵy mektepte kúndelikti baqylaýda bolady", - deidi Aqtóbe oblystyq DSB basshysynyń orynbasary Baqytjan Túlkibaeva.
