Aqtóbe oblystyq PD qujatpen qamtamasyz etý bólimine mektep-gimnaziia ǵimaratynda «bomba bar» degen habarlama tústi. Politsiia aqparattyń ras-ótirigin tekserdi, dep habarlaidy QazAqparat.
Aqtóbe oblystyq politsiia departamentiniń qujatpen qamtamasyz etý bólimine «qaladaǵy Týrgenev kóshesinde ornalasqan mektep-gimnaziiaǵa jarylǵysh zat qoiyldy» degen habarlama tústi.
«Barlyq shuǵyl qyzmet pen saperler toby dereý oqiǵa ornyna shyǵyp, ǵimaratta jarylǵysh qurylǵylardyń bar-joǵyn tekserdi. Jarylǵysh qurylǵylar tabylǵan joq. Politsiia departamenti anonimdi habarlamanyń avtoryn anyqtaýǵa jáne ustaýǵa baǵyttalǵan jedel is-sharalar júrgizip jatyr. Atalǵan derek boiynsha Qylmystyq kodekstiń «Terrorizm aktisi týraly kórineý jalǵan habarlaý» babymen sotqa deiingi tergeý bastaldy. Osy baptyń sanktsiiasy bes jylǵa deiingi merzimge bas bostandyǵynan aiyrý túrindegi jazany kózdeidi», - dedi oblystyq PD baspasóz qyzmetiniń jetekshisi Erbolat Sarqulov.
Aita keteiik, buǵan deiin 1 jáne 2 qyrkúiek kúnderi 6 mektepke «bomba qoiyldy» degen aqparat tekserildi. Ol kezde de jarylǵysh zat tabylmady. Kúdiktiler áli ustalmady.
