Aqtóbe oblysynda Astananyń mereitoiyna orai otyzdan asa áleýmettik, óndiristik jáne saýda nysandaryn paidalanýǵa berý josparda bar. Olardyń qurylysyna ketetin investitsiia kólemi 10 mlrd teńgeden asty, al olardy paidalanýǵa berý 300-ge jýyq jumys ornyn ashýdy qamtamasyz etedi.
Osylaisha, Aqtóbede táýligine 50-den 70 tonnaǵa deiin tátti taǵamdar shyǵaratyn «Ais pliýs» JShS balmuzdaq óndirý tsehy ashylady. «Aqtóbe» indýstrialdy aimaǵy qýattylyǵy jylyna 1 200 tonna ónim bolatyn «PoliVest» JShS polietilen paketterin óndirý zaýytymen tolyǵady.
Budan basqa, aqtóbelikterdi Tuńǵysh Prezident atyndaǵy saiabaqta kópten kútken akvaparktiń ashylýy da qýantady. Aita ketý kerek, «AKTOBE INVEST-2016» halyqaralyq investitsiialyq forýmy kezinde oblys ákimdigi men «Ulan kompaniiasy» JShS onyń qurylysy týraly kelisimge qol qoiǵan bolatyn.
Aqtóbedegi oiyn-saýyq indýstriiasy oblystaǵy Bala jylyna orai salynyp jatqan «Yurta Park» otbasylyq demalys saiabaǵymen de tolyǵady. Alaida, munda tek balalarǵa ǵana emes, eresekterge de qyzyq bolady. Saiabaqta endigi minigolf oinaityn alańqai, ashyq aspan astyndaǵy kinoteatr, jasandy jartas, arqan baǵy, kitaphanalar, etnoaýyl men bailanys zoobaǵy, aýmaǵy 20*30 metrlik labirint, barlyq kezeń boiy jumys jasaityn muz aidyny, planetarii, sadaq pen arbaletten atatyn stendter jáne t.b. ornalastyrylǵan.
Oblys aýdandarynda 8 sporttyq jáne oiyn alańdary, Áiteke bi aýdanynyń Araltóbe aýylynda 150 oryndyq stadion, Keńqiiaq aýylynda dárihana ashylsa, Hromtaý aýylynyń Dóń aýylynda 600 oqýshyǵa arnalǵan mektep paidalanýǵa beriledi.
«Týǵan jerge taǵzym» aktsiiasy aiasynda eldi mekenderdi abattandyrý jaǵyna erekshe úles qosatyn bolady. Elorda kúnine orai aktsiia qatysýshylary men eline bei-jai qaramaityn Aqtóbe oblysynyń týmalary ózderi týyp-ósken qalalary men aýyldaryna Jambyl Jabaevtyń eskertkishin, úsh stela eskertkishin, eki jańa gúlzar baǵyn, jylyjai, sýburqaq pen tennis kortyn tartý etedi. Sonymen qatar, olardyń qarjysyna Qaraýylkeldi aýylynda shamamen 500 metrlik jaiaýjol men Baiǵanin aýdanynyń Jarqamys aýylynda qatty turmystyq qaldyqtar poligony salyndy.
Mereke kúnderi oblystaǵy meditsinalyq mekemeler jelisi de jańa nysandarmen tolyǵady. Atap aitqanda, Qobda aýdanynyń Terisaqqan aýylynda feldsherlik-akýsherlik pýnkt, al Bestaý aýylynda meditsinalyq pýnkt ashylmaq. Atalǵan meditsinalyq mekemeler memlekettik-jekemenshik seriktestik aiasynda turǵyzylǵan.
Aqtóbe oblysynda Astananyń 20 jyldyǵyna orai 430 myńǵa jýyq adamdy qamtityn barlyǵy 1200 qoǵamdyq-saiasi, mádeni-buqaralyq issharalar ótkizý josparlanyp otyr.
