Memleket basshysynyń tsifrlandyrýdy damytýǵa baǵyttalǵan tapsyrmasyn júzege asyrý aiasynda ekonomikanyń barlyq salalary men halyqtyń tirshiligine tsifrlyq tehnologiiany engizý jumystary jalǵasyp jatyr.
20 mamyr, sársenbi kúni «Nur Otan» partiiasy júzege asyryp jatqan «Balalar úshin tegin IT-kabinetter» jobasy aiasynda Aqtóbe qalasyndaǵy №56 orta mektepte kezekti IT-kabinet ashyldy. Tsifrlyq kabinettiń jumysymen oblys ákimi Berdibek Saparbaev tanysyp shyqty.
- El Prezidentiniń Aqtóbe qalasyndaǵy mektepterdi kompiýterlermen jáne internetpen qamtamasyz etý tapsyrmasy tolyqtai oryndaldy. Keibir aýyldyq jáne qala syrtyndaǵy mektepterde internet jyldamdyǵy tómen. Biraq bul suraq jańa oqý jyly bastalǵanǵa deiin kóp jerlerde sheshiletin bolady. «Tsifrlyq Qazaqstan» baǵdarlamasynyń arqasynda óńirde kóptegen jobalar júzege asyrylýda. Eń aldymen olar halyqqa kórsetiletin qyzmetter sapasyn kóterýge baǵyttalǵan, - dedi óńir basshysy.
Ol 2018 jyly «Baqytty bala» aýqymdy jobasynyń júzege asyrylyp jatqanyn atap ótti. Joba baǵyttarynyń biri - oblystyń bilim berý mekemelerin interaktivti jabdyqtarmen jaraqtandyrýdy kózdep otyrǵan «Balalardyń IT álemi».
- Atap aitqanda, Aqtóbe men barlyq aýdandarda robot tehnikasy ortalyqtaryn ashýǵa qarajat bólingen. Bastysy – balalardyń joǵary intellektýaldy tehnologiialarǵa degen qyzyǵýshylyǵyn oiatý. Bul jaǵdaida Prezident tapsyrmasyn sapaly oryndaimyz,-dep atap ótti Berdibek Saparbaev.
Aita keteiik, oqýshylar IT-klastarda jazǵy ýaqytta da oqi alady. Balalar bilikti pedagogterdiń jetekshiligimen 3D-úlgileý, arhitektýra, dizain, animatsiia baǵdarlamalaryn, baǵdarlamalaý men web-saittardy qurýdy igeredi. IT-klastyń barlyq bilim berý baǵdarlamalary halyqaralyq standarttarǵa sai.
Aqtóbe oblysynda «Nur Otan» partiiasynyń jobasy aiasynda biyl 20 IT-klass ashylmaq. Olardyń segizi qalalyq, 12-si aýyldardyq mektepterde. Alǵashqy úsh IT-klass Aqtóbedegi №9, №21 jáne №55 mektepterde ashyldy. Jobanyń maqsaty – memleket basshysynyń tapsyrmasy men «Tsifrlyq Qazaqstan» baǵdarlamasy aiasynda jas qazaqstandyqtardyń ǵylymi-shyǵarmashylyq jáne zertteý daǵdylaryn arttyrý.
