Ekologiia, geologiia jáne tabiǵi resýrstar ministrligi Aqtóbe oblysyndaǵy kásiporyndy tekserip, ekologiialyq zańnamanyń óreskel buzylǵanyn anyqtady, dep habarlaidy "Ult aqparat" ministrliktiń baspasóz qyzmetine silteme jasap.
Baspasóz qyzmetiniń málimetterine qaraǵanda, Aqtóbe oblysy Alǵa aýdany Bestamaq aýylynyń turǵyndary «Parijskaia kommýna XXI» JShS mal sharýashylyǵy kásipornynyń qyzmetine qatysty aimaqtyń ekologiia departamentine shaǵymdandy.
Jaqynda júrgizilgen jospardan tys tekserý barysynda, qazylǵan transheialarda biologiialyq jáne qurylys qaldyqtaryn ishinara kómý arqyly aralas túrde ornalastyrý faktisi anyqtaldy. Ornalastyrý alańy 5,6 ga qurady. Bul rette, ekologiialyq jobada janýarlardyń qaldyqtaryn qaita óńdeý kózdelgen.
«Topyraq synamalarynyń himiialyq taldaýy alańda lastaýshy zattardyń 26 myń m2 astam kontsentratsiiasynyń artýyn kórsetti. Sonymen qatar, 40 myń bas shoshqaǵa arnalǵan mal sharýashylyǵy kesheninde 51 myńnan astam bas bolǵan. Anyqtalǵan ekologiialyq zańnamany buzǵany úshin Departament kásiporynǵa qatysty 11 ákimshilik is qozǵaldy. Sondai-aq, suratylǵan málimetterdi berýge kedergi keltirgeni úshin 3 ákimshilik hattama toltyryldy»,-delingen habarlamada.
Atalǵan fakti boiynsha qylmystyq is qozǵaldy. Qazirgi ýaqytta, kásiporynnyń qorshaǵan ortaǵa keltirgen zalaldarynyń somasy eseptelýde. Budan basqa, qaldyqtardy ornalastyrý jáne sarqyndy sýlardy aǵyzý bóliginde JShS qyzmetin toqtata turý týraly talap aryzǵa bastama jasalatyn bolady.
