Foto: Aqtóbe oblysy Politsiia departamenti
Aqtóbe oblysyndaǵy 4 adam mert bolǵan jantúrshigerlik jol apatyna qatysty jańa derekter belgili boldy, - dep habarlaidy Massaget.kz.
Qaiǵyly oqiǵa 1 maýsymda Samara – Shymkent tas jolynda bolǵan. Lada Largus-tyń 27 jastaǵy júrgizýshisi DAF júk kóligimen soqtyǵysqan. Oqiǵa saldarynan Lada-nyń úsh jolaýshysy oqiǵa ornynda kóz jumdy. Taǵy tórteýi túrli jaraqat alyp, aýrýhanaǵa jatqyzylǵan.
Lada Largus kóliginde Batys Qazaqstan oblysynda jumys isteitin muǵalimder bolǵan, olardyń úsheýi Oraldaǵy mektepterde qyzmet etken. Qalalyq bilim bóliminiń málimetinshe, qaza bolǵandardyń biri №47 orta mektepte defektolog bop jumys istegen.
Keiinirek aýrýhanada 27 jastaǵy áieldiń qaitys bolǵany belgili boldy. Ol mekemege jetkizilgen soń jarty saǵattan soń kóz jumǵan. Ol sýrdopedagog bop jumys istegen.
Muǵalimder Aqtóbedegi ýniversitette syrttai oqyǵan jáne diplom alýǵa kele jatqan. Olar jumystan óz esebinen demalys alǵan.
