Aqtóbe oblysynda jantúrshigerlik jol apaty boldy. Oqiǵa beinetirkeý kamerasyna túsip qalǵan, dep habarlaidy "Ult aqparat" IIM baspasóz qyzmetine silteme jasap.
Vedomstvo málimetinshe, 16 tamyzda Alǵa aýdanynyń Bestamaq aýyly manyndaǵy Aqtóbe – Astrahan avtojolynda Shacman júk kóliginiń júrgizýshisi aldyndaǵy kólikterdi basyp ozý kezinde qarsy baǵytta kele jatqan Nissan jáne Mersedes avtokólikterimen soqtyǵysqan.
"Saldarynan júk kóligi men Nissan jeńil avtokóliginiń júrgizýshileri túrli jaraqattarmen meditsinalyq mekemege jatqyzyldy" - delingen habarlamada.
