Memleket basshysynyń tapsyrmasyn júzege asyrý aiasynda Aqtóbe oblysynda jetim balalarǵa qatysty máseleler tiimdi sheshilýde. Aimaqta aǵymdaǵy jyldyń qańtar aiynda osydan 10 jyl buryn 585 bala turǵan jalǵyz balalar úii jabyldy. Bul balalar úiiniń tárbielenýshileri sanynyń kúrt tómendeýine bailanysty. Tek ótken jyly oblysta 128 bala otbasyna ornalastyryldy, onyń ishinde 85 bala qamqorlyqta jáne qorǵanshylyqta, 26 - bala patronattyq tárbiede, 17 – balany asyrap aldy.
Aqtóbede jetimdiktiń aldyn alý, ómirde qiyn jaǵdaiǵa tap bolǵan balalardy qoldaý maqsatynda "Aiala" ortalyǵy ashyldy. Onda kámeletke tolmaǵandardy beiimdeý ortalyǵynyń 19 tárbielenýshisi men Alǵa balalar úiiniń 14 tárbielenýshisi ornalasqan.
Oblys ákimi Berdibek Saparbaev jańa mekemede bolyp, jetim jáne ata–anasynyń qamqorlyǵynsyz qalǵan balalardyń ómir súrý jáne tárbielený jaǵdaiymen tanysty, ortalyqtyń basshylyǵymen, pedagogikalyq ujymymen jáne tárbielenýshilerimen kezdesti.
«Balalar - Qazaqstannyń bolashaǵy, sondyqtan biz, úlkender, sizderdi laiyqty tárbielep, damytý úshin bárin jasaýymyz kerek. Bizdiń oblysta barlyq sharalar qabyldanyp jatyr. 2018 jyl «Baqytty bala» jyly bolyp jariialandy. Sizder ata-anasyz qalǵandaryńyz úshin kináli emessizder. Biraq sizder ózderińizdiń qatarlastaryńyz sekildi jaqsy tárbie men bilim alýǵa talpynýlaryńyz kerek. Eger sizder jaqsy oqyp, sportpen, ónermen ainalyssańyzdar, tárbieli bolsańyzdar, ómirde mindetti túrde óz oryndaryńyzdy taýyp, Qazaqstannyń laiyqty azamaty bolasyzdar. Bizdiń maqsatymyz – sizderge barlyq jaǵdaidy jasaý. Bolashaqta birde-bir bala memlekettiń qamqorlyǵynsyz jáne qoldaýynsyz qalmaýy tiis. Elbasynyń áleýmettik saiasaty osyǵan baǵyttalǵan», - dedi oblys basshysy ortalyqtyń tárbielenýshilerimen áńgime barysynda.
Oblys ákimi mekemege sporttyq jattyǵý jabdyqtaryn syilap, balalarǵa syilyqtar men táttiler tabys etti.
Ortalyqta balalardy tárbieleýge jáne oqytýǵa, bos ýaqyttaryn tiimdi uiymdastyrýǵa jáne meditsinalyq, psihologiialyq qoldaý kórsetý úshin qajetti jaǵdailar jasalǵan. Balalarǵa mamandyq tańdaýda, óz betinshe ómir súrýge daiyndalýda pedagogtar men psihologtardyń kómegi kórsetiledi. Ortalyqqa 3 jastan 18 jasqa deiingi balalardy qabyldanady.
2017 jyly Aqtóbede «Sábi» qaiyrymdylyq qorynyń qarajatyna salynǵan «Meiirim» áleýmettik beiimdeý ortalyǵy óz jumysyn bastady. Búginde Qazaqstanda balamasy joq keshende balalar úiiniń 16 men 29 jas aralyǵyndaǵy 102 túlegi turady jáne sonda jumys isteidi. 3 gektar jer telimine alańy 43 sharshy metr bolatyn, jańa jihazdarmen jáne qajetti kommýnikatsiialarmen jabdyqtalǵan jaily pátreleri bar tórt eki qabatty týnhaýs salynǵan.
Keshen aýmaǵynda oqý-óndiris alańdary, shashtaraz, gúl dúkeni, jylyjai, etik jóndeý jáne tigin tsehtary bar. Ol jerlerde tárbielenýshiler kásipke oqytylyp, eńbekaqylaryn ala otyra jumys tájiribesinen ótedi jáne eńbek ete alady. Investor jobany júzege asyrý úshin 1,4 mlrd teńge bólgen.
Sondai-aq, «Baqytty bala» óńirlik jobasy aiasynda byltyr jergilikti biliktiń qoldaýymen 136 jetim bala baspanaly boldy. Kásipkerler ata-ana qamqorynsyz qalǵan balalardyń turǵyn úi jinaq shotyna 80 mln teńgedei aýdardy.
Búginde oblys boiynsha jetim jáne ata-ana qamqorynsyz qalǵan barlyǵy 1011 bala bar. Olardyń 799-y qamqorlyqta jáne qorǵanshylyqta, 106 bala patronattyq tárbiede, 106 bala otbasy tipindegi nemese basqa da balalarǵa arnalǵan mekemelerde.
