Aqtóbe oblysynda Tájikstan azamattary ýly gaz saldarynan ýlanyp qalǵan, - dep habarlaidy Tengrinews.kz tilshisi "Moi GOROD" portalyna silteme jasap.
9 naýryzda Tájikstannyń eki azamaty ózderiniń "Gazelimen" Aqtóbeden Álimbetovtegi shekara beketine shyqqan. Óńirlik politsiia departamenti baspasóz qyzmetiniń málimetinshe, olar shekaradan ótpegen. Tájikstan azamattary Aqtóbege oralýǵa sheshim qabyldaǵan, onda olardyń týystary bolǵan. Jolda olarmen bailanys úzilgen.
"Dalada jel kúsheiip, kún sýytyp ketti. Alańdaǵan týystary 102-ge habarlasty. Patrýldik politsiia rotasynyń ekipajy dereý iz-túzsiz joǵalǵandardy izdeýge shyqty. Tún jarymda soltústik ainalma joldyń 12-shaqyrymynda "Islambulaq" kempingindegi avtoturaqtan olardyń kóligin tabyldy.
Júrgizýshi men jolaýshy kólik ishinde bolǵan. Olar ýly gaz saldarynan ýlanyp qalǵan", - dedi politsiia qyzmetkeri.
