Dóń taý-ken kombinatynyń shahtasyndaǵy jarylystan jumysshy áiel qaza boldy, dep habarlaidy Sputnik Qazaqstan kásiporynnyń baspasóz qyzmetine silteme jasap.
Tótenshe oqiǵa 16 tamyzda saǵat 11:45-te Qazaqstan táýelsiziginiń 10 jyldyǵy atyndaǵy shahtada ótkizý jumystary kezinde bolǵan.
"Jarylys tolqyny eki jumysshyny sharpydy. Marksheider qyzmetindegi áiel qaza boldy, bir jumysshy jaraqat aldy. Oǵan alǵashqy meditsinalyq kómek kórsetildi. Ol Hromtaý qalasynyń aýdandyq aýrýhanasyna jetkizildi", - dep habarlady kásiporyndaǵylar.
Qaiǵyly jaǵdaiǵa qatysty tergeý jumystary bastalyp, sebebi anyqtalýda.
"Qazhrom" transulttyq kompaniiasynyń basshylyǵy qaza bolǵan jumysshynyń otbasyna kóńil aitty. Onyń jáne jaraqat alǵan jumysshynyń otbasyna qajetti kómek kórsetilýde.
Dóń taý-ken kombinaty - hrom kenderin óndiretin álemdegi iri kásiporynnyń biri.
