Aqtóbe oblysynyń ekobelsendileri dabyl qaǵyp, jergilikti ózenge 45 tonna dizel otyny tógilgenin habarlady.
Jaǵdaiǵa qatysty birinshi bolyp Jýsaly aýylynyń turǵyndary shaǵymdandy. Olardyń aitýynsha, aýlaǵan balyqty jeý múmkin emes, dep jazady Sputnik Qazaqstan agenttigi "Diapazon" gazetine silteme jasap.. Ekobelsendilerdiń málimetinshe, jergilikti sýlarǵa 45 tonna dizel otyny tógilgen.
"Aýyldaǵy janar-jaǵarmai materialyn saqtaýǵa arnalǵan ydystyń krany jabylmai qalyp, janarmai aǵyp ketken. Eń aldymen janarmai Jýsaly toǵanyna aqqan, ol jaqtan shaǵyn dala ózenderi Kempirsai men Qýaǵashqa jetken. Bul jaqtan sý Qarǵaly sý qoimasyna qarai aǵady. Ekobelsendiler Tótenshe jaǵdailar departamenti men balyq inspektsiasyna habarlasty. Sýattardy tez arada tazalaý kerek", - deidi ekobelsendi Aleksandr Mandrykin.
Jergilikti balyq inspektsiiasy mamandar ózenderde balyqtyń qyrylýyn anyqtamaǵanyn habarlady.
Kempirsai aýyldyq okrýginiń ákimi Jarasqan Temirbaevtyń aitýynsha, munai ónimderi tek toǵanǵa quiylǵan. Janarmai qar jáne jańbyrmen ilesip kelgen. Jaqyn ýaqytta mamandar tazalaý jumystaryna kirisedi.
"Sharýa qojalyqtarynyń tehnikalarynan aqqan janarmai bolar. Olar janar-jaǵarmaimen jumys isteidi. Aýyl taýda ornalasqan. Barlyq aǵyndy sý osy toǵanǵa kelip túsedi, basqa eshqaida ketpeidi", - dep ákim boljamymen bólisti.
Óz kezeginde jergilikti turǵyndar men ekobelsendiler toǵandaǵy sý tikelei Kempirsai men Qýaǵash dala ózenderine, ol jaqtan Qarǵaly sý qoimasyna qarai jyljitynyn aitty.
