Aqtóbe oblysynda adasyp, úsh kún boiy dalada júrgen er adam qutqaryldy, - dep habarlaidy "Ult aqparat" Aqtóbe oblysy TJD baspasóz qyzmetine silteme jasap.
"16 sáýir saǵat 18:15-te 112 qutqarý qyzmetine aýa raiynyń qolaisyzdyǵyna bailanysty Áiteke bi aýdany Tolybai aýylynan Jabasaq aýyly baǵytyna qarai mal izdep shyqqan turǵynnyń habarsyz ketkeni týraly habarlama kelip tústi.
Aýdanda osy kúnderi daýyldy eskertý jariialanǵan. Oǵan qaramastan, er adam joǵalǵan malyn izdeýge shyqqan", - delingen aqparatta.
Izdestirý jumystaryna aýdandyq TJB qyzmetkerleri, politsiia bólimi jáne jergilikti turǵyndar jumyldyrylǵan.
"Izdestirý qutqarý jumystary 3 kúnge sozyldy.
Nátijesinde qutqarýshylar joǵalǵa azamatty 18 sáýirde saǵat 10:45-te Aqsý qystaǵynyń mańynan 5 km qashyqtyqta tapty. 35 jastaǵy er adam Tolybai aýylyna jetkizildi.
Qutqarylǵan adamnyń jaǵdaiy turaqty, meditsina qyzmetkerleriniń baqylaýynda", - delingen habarlamada.
