Aqtóbe oblysynda bir aptada koronavirýs infektsiiasyn juqtyrýshylar sany azaidy. Bul týraly «Qazaqstan-Aqtóbe» telearnasynda ótken tikelei efirde Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Nursulý Berkimbaeva aitty, - dep habarlaidy "Ult aqparat".
«Búginge deiin óńirde koronavirýs juqtyrýdyń 172 jaǵdaiy tirkelgen. Koronavirýs tyń taraýy sońǵy aptada 5 paiyzdy qurady. Bul – jaqsy kórsetkish. Ótken aptalarmen salystyrǵanda virýsty júutyrý jaǵdailary tómendedi. Aimaq boiynsha jaǵdai turaqty. Eger aldaǵy aptada ósim baiqalmasa, kezeń-kezeńimen birqatar kásipkerlik nysany ashylatyn bolady»,- dedi N.Berkimbaeva.
Sonymen qatar oblys ákiminiń orynbasary Qairat Bekenov elde tótenshe jaǵdai rejimi alynyp tastalǵan kúnniń ózinde de Aqtóbe oblysynda karantin sharalary jalǵasatyn bolatynyn málimdedi.
«Tipti tótenshe jaǵdai rejimi alynyp tastalsa da, Aqtóbe oblysynda karantindik sharalar jalǵasady. Bizde eskeretin birqatar qaýipter bar. Buǵan deiin biz biraz shaǵyn jáne orta biznes nysandarynyń qyzmetterine qoiylǵan shekteýlerdi alyp tastadyq. 131 myńǵa jýyq adam jumysqa shyqty. Biz jeńildetýdiń 1-2 kezeńiniń dinamikasyn baiqadyq, kásipkerler men azamattar osy jaǵdaiǵa jaýapkershilikpen qaraǵanyn kórdik. Eger osy úrdis odan ári jalǵassa, rejimdi jeńildetý boiynsha odan ári sharalar qabyldanatyn bolady», - dedi Q.Bekenov.
