Aqtóbe oblysy, Baiǵanin aýdanyna qarasty Qaraǵandysai qystaǵynda maldan qarasan anyqtalyp, karantin jariialandy, dep habarlaidy "Ult aqparat".
Aqpan aiynda Baiǵanin aýdandyq veterinariia stantsiiasyna «Merei K» JShS-niń veterinar dárigeri Ákimjan Tashmaǵambet habarlasyp, iri qaranyń ólgenin aitty.
«Barlyǵy 4 ólekse anyqtaldy. Patologiialyq material alynyp, veterinariialyq zerthanaǵa jiberildi. Oblystyq zerthana 2-naýryz kúni qarasan aýrýy anyqtalǵanyn habarlady. Epizootiialyq tekserýden soń qujat Baiǵanin aýdandyq aýmaqtyq inspektsiiasyna joldandy. Al 4-naýryz kúni shekteý sharasyn bekitý úshin Qaraýylkeldi aýyldyq okrýginiń ákimine usynys jiberildi», - dedi oblystyq veterinariia basqarmasynyń bólim basshysy Kúlsara Jaqypova.
Aita keteiik, sharýashylyqta qazir 120 múiizdi iri qara men 90 jylqy bar.
«Múiizdi iri qara maldarynyń arasynan qarasan aýrýy anyqtalýyna bailanysty Baiǵanin aýdany Qaraýylkeldi aýyldyq okrýginiń Qaraǵandysai qystaǵy aýmaǵynda karantin belgilensin» dep jazylǵan aýdandyq ákimdik qaýlysynda.
