اقتٶبە وبلىسى, بايعانين اۋدانىنا قاراستى قاراعاندىساي قىستاعىندا مالدان قاراسان انىقتالىپ, كارانتين جارييالاندى, دەپ حابارلايدى "ۇلت اقپارات".
اقپان ايىندا بايعانين اۋداندىق ۆەتەرينارييا ستانتسيياسىنا «مەرەي ك» جشس-نٸڭ ۆەتەرينار دەرٸگەرٸ ەكٸمجان تاشماعامبەت حابارلاسىپ, ٸرٸ قارانىڭ ٶلگەنٸن ايتتى.
«بارلىعى 4 ٶلەكسە انىقتالدى. پاتولوگييالىق ماتەريال الىنىپ, ۆەتەرينارييالىق زەرتحاناعا جٸبەرٸلدٸ. وبلىستىق زەرتحانا 2-ناۋرىز كٷنٸ قاراسان اۋرۋى انىقتالعانىن حابارلادى. ەپيزووتييالىق تەكسەرۋدەن سوڭ قۇجات بايعانين اۋداندىق اۋماقتىق ينسپەكتسيياسىنا جولداندى. ال 4-ناۋرىز كٷنٸ شەكتەۋ شاراسىن بەكٸتۋ ٷشٸن قاراۋىلكەلدٸ اۋىلدىق وكرۋگٸنٸڭ ەكٸمٸنە ۇسىنىس جٸبەرٸلدٸ», - دەدٸ وبلىستىق ۆەتەرينارييا باسقارماسىنىڭ بٶلٸم باسشىسى كٷلسارا جاقىپوۆا.
ايتا كەتەيٸك, شارۋاشىلىقتا قازٸر 120 مٷيٸزدٸ ٸرٸ قارا مەن 90 جىلقى بار.
«مٷيٸزدٸ ٸرٸ قارا مالدارىنىڭ اراسىنان قاراسان اۋرۋى انىقتالۋىنا بايلانىستى بايعانين اۋدانى قاراۋىلكەلدٸ اۋىلدىق وكرۋگٸنٸڭ قاراعاندىساي قىستاعى اۋماعىندا كارانتين بەلگٸلەنسٸن» دەپ جازىلعان اۋداندىق ەكٸمدٸك قاۋلىسىندا.
