Aqtóbe oblysynda gaz quiý stantsiiasynda jarylys boldy.
Oblystyq tótenshe jaǵdailar departamentiniń habarlaýynsha, órt 17 shildede 18:50-de bastalǵan, dep jazady Sputnik Qazaqstan.
Alǵa qalasynyń Abai kóshesindegi "Limangaz" gaz quiý stantsiiasynda kólemi 46 tekshe metrlik eki tsisterna jaryldy.
"Oqiǵa ornyna 26 órt sóndirýshi men jeti órt sóndirý kóligi attandy. Jarylys pen órt saldarynan "Toiota Kamri", júk artý kóligi zardap shekti, sonymen qatar alańy 22 sharshy metr janar-jaǵar mai stantsiiasynyń ǵimaraty qirady. Stantsiianyń úsh qyzmetkeri der kezinde ǵimarattan shyǵyp úlgerdi", - delingen habarlamada.
Órt sóndirýshiler syiymdylyǵy 54 jáne 10 tekshe metr bolatyn eki tsisternanynyń jarylýynyń aldyn aldy.
Tótenshe jaǵdailar departamentiniń málimetinshe, zardap shekkender men qaza bolǵandar joq.
