Kórneki sýret: elements.envato.com
Aqtóbede depýtat mas kúide kólik aidaǵan. Ol 15 kún qamaýǵa alynyp, júrgizýshi quqyǵynan aiyryldy, - dep habarlaidy Tengrinews.kz agenttigi Diapazon basylymyna silteme jasap.
20 mamyrda politseiler Qarǵaly aýdany Qaidaýyl batyr kóshesinde Aqtóbe qalalyq máslihatynyń depýtaty Erbol Qasymǵali tizgindegen Mercedes-Benz kóligin toqtatqan. Keiin depýtat meditsinalyq tekseristen ótken. Onda onyń mas bolǵany anyqtalyp, is sotqa jiberilgen.
Depýtattyń ózi mas kúiinde kólik aidaǵanyn moiyndamai, tekseris nátijesimen kelispegen. Sonymen qatar, qaita tekseristen ótýge quqyǵy bar ekeni túsindirilmegenin aitqan.
Sot onyń ákimshilik quqyqbuzýshylyq jasaǵany, mas kúiinde kólik júrgizgeni dáleldendi dep sheshken. Nátijesinde, ol 15 táýlikke ákimshilik jazaǵa tartylyp, 7 jylǵa júrgizýshi kýáliginen aiyrylǵan.
Basylym málimetinshe, Erbol Qasymǵali bolǵan oqiǵadan keiin depýtattyq mandatyn tapsyrǵan.
"Erbol Qasymǵali depýtattyq ókilettigin toqtatty", - dedi aýmaqtyq sailaý komissiiasy ókili.
Aqtóbe qalalyq máslihatynyń saitynda Erbol Qasymǵali "Oil Geo Kontrakt" JShS bas direktory bolyp jumys isteitini kórsetilgen.
