كٶرنەكٸ سۋرەت: elements.envato.com
اقتٶبەدە دەپۋتات ماس كٷيدە كٶلٸك ايداعان. ول 15 كٷن قاماۋعا الىنىپ, جٷرگٸزۋشٸ قۇقىعىنان ايىرىلدى, - دەپ حابارلايدى Tengrinews.kz اگەنتتٸگٸ دياپازون باسىلىمىنا سٸلتەمە جاساپ.
20 مامىردا پوليتسەيلەر قارعالى اۋدانى قايداۋىل باتىر كٶشەسٸندە اقتٶبە قالالىق مەسليحاتىنىڭ دەپۋتاتى ەربول قاسىمعالي تٸزگٸندەگەن Mercedes-Benz كٶلٸگٸن توقتاتقان. كەيٸن دەپۋتات مەديتسينالىق تەكسەرٸستەن ٶتكەن. وندا ونىڭ ماس بولعانى انىقتالىپ, ٸس سوتقا جٸبەرٸلگەن.
دەپۋتاتتىڭ ٶزٸ ماس كٷيٸندە كٶلٸك ايداعانىن مويىنداماي, تەكسەرٸس نەتيجەسٸمەن كەلٸسپەگەن. سونىمەن قاتار, قايتا تەكسەرٸستەن ٶتۋگە قۇقىعى بار ەكەنٸ تٷسٸندٸرٸلمەگەنٸن ايتقان.
سوت ونىڭ ەكٸمشٸلٸك قۇقىقبۇزۋشىلىق جاساعانى, ماس كٷيٸندە كٶلٸك جٷرگٸزگەنٸ دەلەلدەندٸ دەپ شەشكەن. نەتيجەسٸندە, ول 15 تەۋلٸككە ەكٸمشٸلٸك جازاعا تارتىلىپ, 7 جىلعا جٷرگٸزۋشٸ كۋەلٸگٸنەن ايىرىلعان.
باسىلىم مەلٸمەتٸنشە, ەربول قاسىمعالي بولعان وقيعادان كەيٸن دەپۋتاتتىق مانداتىن تاپسىرعان.
"ەربول قاسىمعالي دەپۋتاتتىق ٶكٸلەتتٸگٸن توقتاتتى", - دەدٸ اۋماقتىق سايلاۋ كوميسسيياسى ٶكٸلٸ.
اقتٶبە قالالىق مەسليحاتىنىڭ سايتىندا ەربول قاسىمعالي "ويل گەو كونتراكت" جشس باس ديرەكتورى بولىپ جۇمىس ٸستەيتٸنٸ كٶرسەتٸلگەن.
