Foto: Pixabay
Aqtóbe oblysynda jolaýshylar avtobýsynyń qatysýymen bolǵan jol-kólik oqiǵasy boiynsha sotqa deiingi tergeý bastaldy, dep habarlaidy Ult.kz.
Oqiǵa 7 jeltoqsan kúni shamamen 08:40 ýaqytynda «Samara–Shymkent» respýblikalyq mańyzy bar avtojoldyń 1024-shaqyrymynda oryn alǵan.
Aldyn ala málimetter boiynsha, Perm–Tashkent baǵytymen qozǵalǵan avtobýs júrgizýshisi Qarabutak kenti jaqtan Qyzylorda oblysyna qarai kele jatyp, Aitekebi aýdanyna qarasty Ulǵaisyn eldi mekeniniń mańynda kólikti joldyń oń jaq bóligine aýdaryp alǵan.
Avtobýstyń ishinde Ózbekstan Respýblikasynyń 49 azamaty bolǵan.
JKO saldarynan:
- • 5 jolaýshy oqiǵa ornynda qaza tapty;
- • 11 adam túrli dene jaraqattarymen Aitekebi aýdandyq ortalyq aýrýhanasyna jetkizildi.
Jol-kólik oqiǵasynyń sebebi anyqtalýda. Tergeý amaldary jalǵasýda.
