Aqtóbede taǵy 10 adam indetke shaldyqty. Onyń ekeýi aýdan turǵyny, dep habarlaidy "Ult aqparat".
Zerthanalyq zertteý kezinde 55, 61, 33, 30, jastaǵy er adam men 6-7 jastaǵy baladan virýs anyqtaldy. 40 jastaǵy qala turǵyny da indetke shaldyqqan. Sonymen birge Muǵaljar aýdanynyń Qandyaǵash qalasy, Oiyl aýdanynyń ortalyǵynda turatyn eki adam virýs juqtyrǵan.
«Oiyl aýdanynyń 59 jastaǵy turǵyny indet bastalǵanda aýylynan shyqpaǵan. Biraq onyń úiindegi adamdar Aqtóbe qalasyna kelken. Qazir qaidan juqtyrǵany anyqtalyp jatyr. Otbasynyń basqa músheleri tasymaldaýshy bolýy múmkin», - dedi oblystyq densaýlyq saqtaý basqarmasynyń basshysy Áset Qaliev.
Sondai-aq Sankt-Peterbýrg qalasynan kelgen Túrkistan oblysynyń 1990 jylǵy turǵynynan koronavirýs tabyldy.
«Sońǵy táýlikte tirkelgenderdiń ekeýinen virýs skrining kezinde anyqtaldy. Tórteýi profilaktikalyq maqsatta tekserilgen. Bir adam buǵan deiin koronavirýs juqtyrǵan adammen jaqyn qarym-qatynasta bolǵan. 2 patsient dene qyzýy kóterilip, dárigerge qaralǵan. Qazirgi ýaqytta patsientter juqpaly aýrýlar aýrýhanasyna oqshaýlandy. Naýqastardyń jaǵdaiy qanaǵattanarlyq. Hattamaǵa sáikes tiisti em qabyldaýda», - dedi oblystyq taýarlar men kórsetiletin qyzmetter sapasy men qaýipsizdigin baqylaý departamentiniń baspasóz qyzmeti.
Aita keteiik, qazir oblysta barlyǵy 252 adam indetke shaldyǵyp, 168-i emdeldi.
