Foto: KTK kadry
Aqtóbede 46 jastaǵy ákimdik qyzmetkerin óltirgen adamǵa úkim shyqty. 19 shildede atyshýly is apelliatsiialyq sotta qaraldy. Marqum áieldiń týystary qylmyskerdiń 11 jyl jaza alǵanyna narazy boldy, - dep habarlaidy Tengrinews.kz saity KTK telearnasyna silteme jasap.
Marqumnyń týysy Serik Qadyrbaev er adam áieldi erekshe qatygezdikpen óltirgenin jáne odan da aýyr jazaǵa laiyq ekenin aitady.
"Ol dármensiz kúide bolǵan. Qys mezgili. Sol kúni qatty sýyq boldy. Ol kiimsiz boldy. Pyshaqty ustamaq bolǵan, sodan eki qoly da kesilgen. Onyń sol kezde kámeletke tolmaǵan eki balasy bar. Osyndai jaradan keiin jelkesin kesýdiń qajeti qansha edi?! Máni nede? Jáne ony júksalǵyshqa salýdyń ne keregi bar edi? Ol eki kún júksalǵyshta bolǵan", - dep esine alady Serik Qadyrbaev.
Sýdialar alqasy qylmystyń erekshe qatygezdikpen jasalǵanyn moiyndady. 19 shildede apelliatsiialyq sot sottalýshyǵa 15 jylǵa bas bostandyǵynan aiyrý jazasyn taǵaiyndap, bastapqy jazany 4 jylǵa ulǵaitty.
Ol sońǵy sózinde (paraqtan oqyp bergen) úsh balasy men múgedek ákesiniń baryn eskerýdi suraǵan.
"Meni jasaǵan kúnám úshin keshirýdi suraimyn. Otbasynan taǵy da keshirim suraimyn. Kinámdi tolyq túsinemin. Shyn júrekten ókinemin", - dedi ol.
