Aqtóbe oblysynyń ákimdigi janyndaǵy jedel shtab óńir aýmaǵynda birqatar shekteý sharalary engiziletinin málim etti, dep habarlaidy "Ult aqparat".
Koronavirýstyń taralýyn aldyn alý maqsatynda 31 naýryz saǵat 00:00-den bastap sanitarlyq-epidemiiaa qarsy is-sharalar júzege asyrylady jáne jeke, zańdy tulǵalarǵa arnalǵan sharýashylyq jáne ózge de qyzmetke erekshe talap engiziledi.
Qaýlyda kelesidei shekteý sharalary men talaptar qoiylǵan:
1. Tranzittik kólikterdi, sondai-aq tamaq ónimderi, dári-dármekter jáne meditsinalyq maqsattaǵy buiymdar, Aqtóbe oblysy men Aqtóbe qalasynyń ónerkásiptik, aýylsharýashylyq kásiporyndarynyń úzilissiz jumys isteýin qamtamasyz etýge arnalǵan taýarlar men materialdardy tasityn kólikterdi qospaǵanda, kólik quraldarynyń barlyq túrlerine jáne azamattarǵa Aqtóbe oblysy men Aqtóbe qalasynyń aýmaǵyna kirýge jáne shyǵýǵa tyiym salynady.
2. Memlekettik organdar men uiymdardyń basshylaryna, sondai-aq menshik nysanyna qaramastan zańdy tulǵalarǵa, jeke kásipkerlerge jáne jeke tulǵalarǵa (adamdar kóp jinalatyn obektilerdiń ieleri men jalǵa alýshylaryna) tehnikalyq jáne uiymdastyrýshylyq múmkindigine orai, jumysshylardy qashyqtyqtan jumys rejimine aýystyrý usynylady.
3. Tómendegidei qyzmetter toqtatylady:
- barlyq memlekettik jáne jeke menshik balabaqshalardyń jumysy;
- iri saýda ortalyqtarynyń (azyq-túlik dúkenderi men olarda ornalasqan dárihanalardan basqa), saiabaqtar, zoodúkender, monsha keshenderi (jeke kabinalarmen birge), sanitariialyq-kýrorttyq nysandar, ásemdik salondary, shashtarazdar, saýnalar men massaj bólmeleri, biliard bólmeleri, kompiýterlik, internet-klýbtar, oiyn bólmeleri, boýling ortalyqtary, býkmekerlik kontoralar, loto, sporttyq keshenderi (úiirmeler, sektsiialar), fýtboldar alańdary, balalardyń damý ortalyqtary jáne basqa da halyq kóp shoǵyrlanǵan nysandardyń jumysy;
- azyq-túlik, mal, avtomobil, kiim-keshek, qurylys bazarlary;
- azyq-túlik taýarlarynyń jármeńkeleri;
- úilený salondary, merekelik zaldarynyń jumysy;
- uialy telefondardy satatyn jáne jóndeitin dúkenderdiń jumysy.
4. Qoǵamdyq tamaqtaný oryndarynda (kafeler, meiramhalar, barlar, ashanalar jáne t.b.) azamattar men kásiporyndardyń úi-jailaryna barmai-aq, alyp ketý jáne aparyp berýdi táýlik boiy júzege asyratyn qyzmetterdi qospaǵandaǵy, tamaqtaný oryndarynyń jumysy toqtatylady.
5. Aqtóbe oblysy jáne Aqtóbe qalasynyń turǵyndaryna:
- azyq-túlik, birinshi kezekte qajetti zattardy, dárilik zattar men meditsinalyq buiymdardy satyp alýdy, meditsinalyq kómekke júginýdi qospaǵanda, turǵyn úiden shyǵýdy shekteý qajet;
- otbasy múshelerin qospaǵanda, úsh adamnan kóp toptarda adamdardyń qozǵalysyna jol berilmeidi;
- 65 jastan joǵary azamattarǵa oqshaýlaý tártibin saqtaý qajet.
6. Quqyq qorǵaý organdary menshik túrine qaramastan barlyq jeke jáne zańdy tulǵalardyń Qaýlynyń oryndalýyn qamtamasyz etsin.
7. Barlyq suraqtar boiynsha 906-606 nómiri boiynsha Call-ortalyqqa habarlasýǵa bolady.
Aita keteiik, Aqtóbe oblysynda koronavirýs infektsiiasyna shaldyǵýdyń 1 oqiǵasy tirkeldi. Qazaqstan boiynsha naýqastar sany 271-ge jetti.
