Aqtóbe oblysynyń ákimdigi janyndaǵy jedel shtab qyzmettiń jekelegen túrlerine karantin rejimin jeńildetti. Shekteýdi alyp tastaý 3 kezeń boiynsha júzege asyrylady, dep habarlaidy "Ult aqparat".
Birinshi kezeń 1 mamyrda bastalady. Aldymen óndiristik kásiporyndar, qurylys jáne jol qurylysy, kólik kompaniialary, bankter jáne qarjy uiymdary, halyqqa jáne avtokólikterge qyzmet kórsetý ortalyqtary ashylady.
Saýda jáne qyzmet kórsetý salalarynda azyq-túlik dúkenderi, dárihanalar, optika, atele, lombard, aiyrbastaý pýnkti, notarialdyq qyzmetter, saqtandyrý qyzmeti, fotosalon, kiim jýý jáne himiialyq tazalaý oryndary, kilem tazartý, aiaq kiim jóndeý, keńse tehnikalaryn jóndeý sheberhanalary, tehnikalyq baqylaý stansalary, dóńgelek jóndeý, kólik jýý nysandary óz jumysyn bastaidy.
Talap boiynsha saǵat 10:00-den 18:00-ge deiin gúl-kóshet satatyn, qurylys dúkenderi, avtosalondar men turmystyq tehnika dúkenderi halyqqa qyzmet kórsete alady.
«Óndiristegi sanitarlyq-epidemiologiialyq qaýipsizdikti qamtamasyz etýge arnalǵan mindetti talaptardy oryndasa, nysannyń daiyndyǵy týraly akt alsa jumys isteýge ruqsat beriledi. Sonymen birge karantin kezinde júrgiziletin profilaktikalyq sharalarǵa jaýapty tulǵalardy bekitip, qyzmetkerlerdi jeke qorǵanys quralymen qamtamasyz etýi tiis. Jumys oryndarynda dezinfektsiia júrgizý mindetteledi. Nysanǵa qosalqy aýmaqtyń sanitarlyq tazalyǵyn únemi qadaǵalaý qajat. Epidemiologiialyq ahýal turaqtalyp, qalypty dinamika saqtalsa, ekinshi kezeń - 8 mamyrda, úshinshi kezeń - 15 mamyrda engiziledi», - dep habarlady oblys ákimi janyndaǵy jedel shtab.
