Sýret: Turantimes.kz
Aqtóbe men Batys Qazaqstan oblystarynda áli kúnge deiin 2 122 úi sý astynda qalyp otyr. Bul týraly Úkimet otyrysynda Ónerkásip jáne qurylys ministri Qanat Sharlapaev aitty, dep habarlaidy "Ult aqparat" Kazinform-ǵa silteme jasap.
«Sý tasqyny saldarynan 18 005 úi nysany zardap shekken. 17 295 nysan boiynsha tehnikalyq tekseris nátijesi bar. Tekserilgen nysandar boiynsha 2 245 turǵyn úi salý, jyljymaityn múlik naryǵynda 5 235 turǵyn úi satyp alý jáne 9 819 nysandy jóndeý josparlanǵan. Búginde 1 828 úidiń qurylysy bastaldy. Bul josparlanǵan kórsetkishtiń 81 paiyzyn quraidy. Bul rette Batys Qazaqstan men Aqmola oblystarynda júrgizilip jatqan jumystyń tómen qarqyny baiqalady», - dedi ministr.
Onyń dereginshe, Aqtóbe men Batys Qazaqstan oblystarynda áli kúnge deiin 2 122 úi sý astynda qalyp otyr.
«Soltústik Qazaqstan oblysynda qurylys qarqyny jaqsy. Búginde 53 turǵyn úi paidalanýǵa berildi. Qazirgi ýaqytta respýblika boiynsha 1 943 turǵyn úi satyp alyndy. 3 882 úidi jóndeý jumystary júrgizilýde. Sonymen qatar jóndeý jumystary boiynsha 1 772 úi iesi tólemder aldy», - dedi Qanat Sharlapaev.
