21 shilde kúni Aqtóbe oblysy ákimi Berdibek Saparbaev Ábilqaiyr han dańǵyly boiyndaǵy jaiaý júrginshiler qurylysynyń jobasymen tanysty.
Atap óteiik, aimaq basshysynyń tapsyrmasy boiynsha «Qala adamdar úshin» tujyrymdamasyn ázirleý úshin jumys toby quryldy, onyń baǵyttarynyń biri «Qorshaýy joq qala». Jobanyń birinshi kezeńinde jaiaý júrginshiler aimaǵyn Á.Moldaǵulova dańǵylynan Ábilqaiyr han dańǵyly boiymen oblys ákimdiginen ári qarai Abai býlvaryna jalǵastyrý josparlanyp otyr.
Atap aitqanda, jobada kósheni jóndeý jáne abattandyrý, oryndyqtar ornatý, jasyl keńistik, avtorlyq shaǵyn sáýlet nysandary, qurǵaq fontandar, jaryq shamdar ornatý, oiyn jáne sport alańdaryn salýdy qamtidy.
- Bolashaqta jaqsy jabdyqtalǵan jaiaý júrginshiler aimaǵy qala turǵyndary men qonaqtaryna demalý úshin yńǵaily oryn bolady, - dedi Berdibek Saparbaev.
Sondai-aq qala ákimi Iliias Ispanov jobanyń áleýmettik mańyzdylyǵy týraly josparlanǵan júrginshiler aimaǵynyń aýmaǵyndaǵy ǵimarattar ielerimen nasihattaý jumystary júrgizilgendigi týraly baiandady.
Atap ótý kerek, joba Astana jáne Almaty qalalarynyń tájiribesin eskere otyryp, osyndai jaiaý júrginshiler aimaqtaryn qurý azamattardyń oń qoldaýlarynyń nátijesinde júzege asyrylatyn bolady.
