Keshe «Aqtóbe-Almaty» baǵyty boiynsha júretin jolaýshylar poiyzynda náreste dúniege keldi, dep habarlaidy "Ult aqparat" «Jolaýshylar tasymaly» AQ baspasóz qyzmetine silteme jasap.
5-vagonda kele jatqan Altynai Temir jol ústinde tolǵatyp, jolserikter men poiyzdaǵy jolaýshy dárigerlerdiń kómegimen aman-esen qyz bosandy. Otar stansasyna kelgende olardy jedel járdem kóligi kútip alyp, jaqyn mańaidaǵy aýrýhanaǵa jetkizdi.
«Qol ushyn sozǵan jolaýshylar – dáriger Evgenii Kolopilov pen akýsher Beibitkúl Qumǵanbaevaǵa jáne vagon jolserigi Rýslan Baiekeshov pen poiyz basshysy Saǵynai Júsipke alǵys aitamyz» dep málim etti kompaniiadan.
Aita ketsek, barsha jolserikter alǵashqy meditsinalyq kómek jáne shtattan tys jaǵdai kezinde kómek kórsetý oqý-treningterinen ótedi.
