Aqtóbe ákimi Ashat Shaharov taǵy bir laýazymǵa taǵaiyndaldy, - dep habarlaidy Tengrinews.kz tilshisi Qazaqstannyń Jaýyngerlik óner qaýymdastyǵynyń baspasóz qyzmetine silteme jasap.
Aqparat boiynsha, 3 jeltoqsanda qaýymdastyqtyń bas direktory Abat Imambaev óńirdiń sport jurtshylyǵyna Aqtóbe oblysy boiynsha Jaýyngerlik óner qaýymdastyǵynyń jańa basshysy Ashat Shaharovty tanystyrǵan.
QJÓQ basshylyǵy bul óńirdegi jaýyngerlik ónerdiń, sondai-aq, balalar men jasóspirimder sportynyń damýyna jańa serpin beretinine jáne turyndar úshin sport qoljetimdi bola túsetinine senim bildirdi.
Aita keteiik, Ashat Shaharov Aqtóbeni 2020 jyldan beri basqarady.
Sonymen qatar Shaharov - tanymal sportshy. Ol dziýdo jáne sambodan eńbek sińirgen sport sheberi, dziýdodan álem chempionatynyń qola júldegeri, sambodan úsh dúrkin álem chempiony, Álem kýbogynyń eki dúrkin iegeri, Aziianyń úsh dúrkin chempiony, Sidneidegi Olimpiada oiyndarynyń qatysýshysy.
