Foto: Sergei Rýsanov © URA.RU
Aqtóbe oblysynyń ákimdigi 200 dana aiaq kiim súrtkish satyp alǵan, dep habarlaidy Sputnik Qazaqstan saity KTK telearnasyna silteme jasap.
Qoǵamda talqyǵa túsken aiaq kiim súrtkishterdi ákimdik beker satyp almaǵan kórinedi. Munyń bári tek syrttan kelgen qonaqtar úshin dep túsindiredi olar.
"Gýbkalar" úkimettik jáne sheteldik delegatsiia músheleri úshin satyp alynǵan. Sheneýnikterdiń sózinshe, ol súrtkishterdi qonaq kelgen kezde ákimdikke tiesili kólikterge salyp qoiady eken. Qonaqtyń aiaq kiimin shań bassa, biýdjet aqshasyna alynǵan súrtkishpen tazalaidy.
Aiaq kiim súrtkishterin satyp alýǵa 99 myń teńge jumsalǵan.
"Bul jaqta aýa raiy qolaisyz. 200 aiaq kiim súrtkish shamamen eki jylǵa jetedi. Qatelespesem, bir gýbka 458 teńge turady", - deidi Aqtóbe oblysy ákimdigi is basqarmasy basshysynyń orynbasary Timýr Ryskeldin.
Buǵan deiin aqtóbelikterdi sheneýnikterdiń taǵy bir áreketi tańǵaldyrǵan bolatyn. Olar 50 dana qolshatyr satyp alǵan. Bul da asa qajet zat kórinedi, óitkeni resmi is-sharalar kezinde joǵary laýazymdy tulǵalar kún men jańbyrdan panalaidy.
