Akter Oljas Abai eks-áieline páter alyp beremin degen ýádesin oryndamai otyr

Foto: ashyq derekkóz

Áleýmettik jelide Oljas Abaidyń áieli Aimiranyń suhbaty qyzý talqyǵa tústi, dep habarlaidy Ult.kz beksports.kz saityna silteme jasap.

Akterdiń eks-áieli Aimira Aman Hit TV arnasynyń «Meniń ómirim» baǵdarlamasyna suhbat berip, jan syryn aqtardy.

«Kiná bir jaqty bolmaidy. Eshkimdi kinálamaimyn. Otbasymyzdy saqtap qala almadyq. Menińshe, ajyrasý – durys sheshim boldy. Bir sózben aitqanda, Oljas ekeýimizdiń dám-tuzymyz jaraspady», – deidi ánshi.

Aimiranyń aitýynsha, qazirgi tańda ol anasymen birge páter jaldap turady, al balalarynyń tárbiesi ekeýiniń qolynda. 

«Qazir jeke úiimiz joq. Páter jaldap turamyz. Oljastyń tarapynan biyl páter alyp beremin degen ýáde boldy, sony kútip otyrmyz. Balalarmen sirek aralasady, soǵan balalar renjidi», – dedi Aimira Aman.

Áleýmettik jelide bul suhbat úlken rezonans týdyrdy. Kópshilik ánshiniń shyndyqty ashyq aitýyna qoldaý bildirse, endi biri akterdiń jaýapkershiligi jaily pikir qaldyrdy.

Aita keteiik, buǵan deiin akter Oljas Abaidyń otbasy men jeke ómiri týraly túrli boljamdar taraǵan bolatyn. Al eks-jubaiy Aimira Aman suhbatynda kúieýiniń qol kótergen kezderi bolǵanyn da jasyrmady.

«Páterde turamyn, Oljas kómektespeidi. Balalaryna kelmeidi. «Aimira meni izdemesin» dep qurbym arqyly sálem joldapty», – dedi ánshi.