Aqtaýǵa Ystambuldan ushyp kelgen 11 jolaýshy karantindik statsionarǵa jatqyzyldy. Bul týraly Mańǵystaý oblysynyń qoǵamdyq kommýnikatsiia ortalyǵynda ótken brifingide Mańǵystaý oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Ǵaziz Nadýev málim etti.
Onyń aitýynsha, túnde «Ystanbul - Aqtaý» baǵytyndaǵy reis Aqtaý halyqaralyq áýejaiyna qondy. Bortta 94 jolaýshy bolǵan. Reistegilerdiń barlyǵy Qazaqstan azamattary. Anyqtamasy bar 83 jolaýshy úilerine qaitaryldy. Al, 11 adam 1 shaǵyn aýdanda ornalasqan statsionarǵa jatqyzyldy. Jolaýshylardan alynǵan PTR test teris nátije bergen jaǵdaida úilerine jiberiledi.
«Búgingi tańda shetelden ushyp kep jatqan Qazaqstan azamaty bolsyn, basqa eldiń azamattary bolsyn bárine termometriia ótkiziledi. Jáne de saýalnama toltyrady. Sondyqtan da ol temirjol bolsyn, teńiz jolymen bolsyn, mashinamen kelip jatqan kisiler osyndai qatań tekserispen esepke alynady», - dedi Mańǵystaý oblysynyń Bas sanitar dárigeri Ǵaziz Nadýev.
Aqtaý áýejaiy ázirge tek halyqaralyq reisterden Ystanbul-Aqtaý baǵytynda ǵana ushaqtar qabyldaýda. Áýe reisi aptasyna 3 ret qatynaidy.
Eske sala keteiik, QR Bas sanitarlyq dárigeri Erlan Qiiasovtyń memlekettik shekaradaǵy ótkizý pýnkterinde koronavirýs infektsiiasynyń aldyn alý sharalaryn odan ári kúsheitý týraly jańa qaýlysy 6 qazanda saǵat 00:00-de kúshine endi.
Jańa erejege sáikes birqatar shekteý qoldanylady. Qazaqstanǵa shetelden kelgen ushaq jolaýshylarynyń barlyǵy termometriiadan ótip, saýalnamaǵa jaýap beredi jáne COVID-19-ǵa qarsy PTR-testiniń oń nátijesi týraly anyqtamany usynýy tiis. Qazaqstan Respýblikasynyń memlekettik shekarasynan ótý kezinde 72 saǵattan aspaǵan anyqtama ǵana jaramdy.
