Aqtaýǵa 3 myńǵa jýyq qoqiqaz ushyp keldi. Qazir qustar shahar mańyndaǵy Qarakól aýmaǵyna aialdaǵan, dep habarlaidy "Ult aqparat".
Mamandardyń aitýynsha, Aqtaýǵa qoqiqazdar Aqmola oblysyndaǵy Qorǵaljyn memlekettik tabiǵi qoryǵynyń aýmaǵyndaǵy Teńiz jáne Qorǵaljyn kólderinen ushyp kelgen.
Aýa raiy sýytqan soń ońtústikke, iaǵni Hazar qoryǵyna nemese odan da ári Iran jaqqa ótip ketedi.
«Júzdegen qoqiqaz Qarakólde qystap qalýy múmkin. Qarakólden basqa olar Túpqaraǵan aýdany tóńiregindegi Túlen araldarynda bolady, ol jerde sý qatqan jaǵdaida Qarakólge keledi. Ómir súrýge qolaily jaǵdaiǵa bailanysty eki ortada aýysyp otyrady»,-deidi «Tabiǵi orta» Batys Qazaqstan ÚEU óńirlik qaýymdastyǵy keńesiniń tóraǵasy Ádilbek Qozybaqov.
Ádilbek Qozybaqovtyń aitýynsha, Qarakól aýmaǵy – «Qyzyl kitapqa» engen qanattylar turaqtaityn meken. Sondyqtan da bul jer tabiǵat qorǵaý inspektorlarynyń jiti baqylaýynda.
Aita keteiik, qyzǵylt tústes, iri deneli qustar, negizinen tropikalyq elderde uia salady.
