Oqiǵa orny. Foto: Azamat Sarsenbaev/Facebook
Aqtaýdaǵy ashanada bolǵan jarylysqa qatysty Mańǵystaý oblysy ákiminiń basshylyǵymen jedel shtab quryldy, dep habarlaidy QazAqparat.
Bul týraly Mańǵystaý oblystyq Tótenshe jaǵdailar departamenti bastyǵynyń mindetin atqarýshy Bekbolat Ábdiqadyrov taratqan málimette aitylǵan.
Taratylǵan aqparatta Aqtaý qalasy ákiminiń sheshimimen qoqys jinaý úshin Munaily aýdany, Baiandy kentinen 30 shaqyrym jerde qoqys poligony uiymdastyryldy.
«Kóktem» MKK kúshimen jarylystan qiraǵan qoqystar shyǵarylýda. Politsiia qyzmetkerleri belgilengen ýchaskeni qorshaýǵa aldy.
Aita keteiik, 7 qarasha kúni Nur-Sultan ýaqytymen saǵat 22-25-te Mańǵystaý oblysy TJD Jedel kezekshisine Aqtaý qalasynyń 29 sh/a mekenjaiy boiynsha 2-qabatty «Sherqala» kesheniniń (ishinde arnaiy kiim dúkeni, avtobólshekter dúkeni, meiramhana, saýna, tehnikalyq qyzmet kórsetý stantsiiasy, qoimalary bar) 1-qabatynda ornalasqan ashanada jarylys bolǵany habarlandy.
Nátijesinde keshen qurylymy ishinara buzylǵan. Ǵimarattyń 200 sharshy metr aýmaǵy qulaǵan, qurbandar men zardap shekkender joq. Jarylystyń sebebi anyqtalýda.
Qazirgi ýaqytta oqiǵa ornynda úiindilerdi taldaý jumystary júrip jatyr.
Ashana iesiniń aitýynsha, jarylys kezinde jumysshy personal bolmaǵan. Jarylys kezinde 10 kólik quraly (beibit turǵyndar) boldy. Barlyq avtokólikter jarylys tolqyny saldarynan zardap shekti. Jol politsiiasy qyzmetkerleri arnaiy tehnikanyń (evakýator) kómegimen 10 avtokólikti evakýatsiialady.
Aldyn ala málimet boiynsha, jarylys gaz-aýa qospasynyń aǵýynan bolýy múmkin.
