Aqtaýda 3 tamyzǵa qaraǵan túni 17-yqshamaýdanda pyshaqtap óltirilgen 26 jastaǵy politseidiń isine qatysty jańa derekter belgili boldy, - dep habarlaidy Tengrinews.kz tilshisi "Astana" telearnasyna silteme jasap.
Beiresmi aqparat boiynsha, tártip saqshysy synyptastar kezdesýinde tanysymen janjaldasyp qalǵan. Ol janjal kezinde pyshaǵyn alyp, politseidi moinynan jaralaǵan. Politsei aýrýhanada esin jimastan qaza boldy.
Jelide marqumnyń ómiriniń sońǵy minýttary túsirilgen video tarady. Kadrda janynda turǵan er adam jábirlenýshiniń jarasyn tańyp jatqanyn kórýge bolady. Qaitys bolǵan politseidiń artynda áieli men eki balasy qaldy.
Kisi óltirgen kúdikti qamaýǵa alyndy. Rastalmaǵan málimetterge qaraǵanda, ol - qaladaǵy tanymal fýtbolshy.
Eske salaiyq, buǵan deiin Aqtaý qalasy iývenal politsiiasynyń kámeletke tolmaǵandar isi jónindegi ýchaskelik inspektoryn pyshaqtap óltirgen kúdikti ustalǵany habarlanǵan bolatyn.
