Aqtaýdaǵy 5-shaǵynaýdanda ornalasqan №21 úidiń artynda atys boldy. Oqiǵa kezinde oq tiip jaralanǵan er adam kóz jumdy, dep habarlaidy Lada.kz saity.
Mańǵystaý oblystyq politsiia departamentiniń málimetinshe, atys bolyp jatqany týraly aqparat politsiia kezekshi bólimine keshe keshki saǵat 19:55 shamasynda túsken.
Oqiǵa ornyna jedel tergeý toby kelip jetti.
Jaraqat alǵan azamat Mańǵystaý oblystyq aýrýhanasyna jetkizilgen. Alaida ol esin jimastan qaitys boldy.
Politsiia qyzmetkerleri kúdiktini ustap, ýaqytsha izoliatorǵa qamady.
"Atalǵan fakti QR Qylmystyq kodeksiniń 99-baby boiynsha tirkelgen. Sot-meditsinalyq saraptama taǵaiyndaldy. Sotqa deiingi tergeý jumystary júrip jatyr" dep málim etti departamenttiń baspasóz qyzmeti.
