Aqtaýdaǵy 14 jastaǵy jasóspirimniń ólimine qatysty tergeý sharalary júrgizilýde, dep habarlaidy "Ult aqparat".
Esterińizge sala keteiik, qaiǵyly oqiǵa 23 maýsym kúni saǵat 22:00-der shamasynda №7 mektep-litseii men «Tolqyn» bazarynyń mańynda boldy.
Búgin Aqtaý qalasynyń ákimdigi osy oqiǵaǵa qatysty baspasóz konferentsiiasyn ótkizdi. Qala ákiminiń orynbasary Serik Gýsmannyń aitýynsha, jetkinshektiń neden qaitys bolǵanyn aitýǵa áli erte. Sebebi onyń ólimini birneshe faktor sebep bolýy múmkin.
Onyń biri – bala qorshaýdan qulap ketýi múmkin, ekinshisi elektr togy soǵýy yqtimal.
«Tańda tergeý sharalary júrgizilýde. Meditsinalyq saraptama nátijeleri boiynsha ólimniń naqty sebebi anyqtalady. Múmkin bala qorshaýdan qulaǵan kezde qatty jaraqat alǵan shyǵar. Onda biiktigi 2,5 metr. Balanyń denesinde bas súieginiń zaqymdanýy bar. Múmkin bala soqqydan qaitys bolǵan shyǵar. Ata-anasynyń aitýynsha, ol dýalǵa kóterilýge tyrysqan jáne qulaǵan. Qazir birdeńe aitýǵa erte», - dedi Serik Gýsman.
Sondai-aq, Aqtaý qalasy ákiminiń orynbasary 15 maýsymnan bastap kóshe jaryǵynyń baǵandaryna qyzmet kórsetýmen «Aqtaý Servis Qurylys» kompaniiasy ainalysatynyn jetkizdi.
«Búgingi tańda ishki tergeý bastaldy. Búgin jedel jinalys ótkizilip, barlyq servistik kompaniialar men PIK-ke ishki úi jelilerin, kósheni jaryqtandyrýdy, elektr jabdyqtarynyń jai-kúiin qalanyń barlyq shaǵyn aýdandarynda tolyq tekserý úshin tiisti nusqaýlar berildi», - dedi kompaniia direktory Ábdiǵaliev Esenjol Qýandyquly.
Búginde qala boiynsha 12 255 baǵan bar. Onyń ishinde 8122 sham, 5183 jaryqdiodty sham, kabelder sany - 409 shaqyrym, áýe jelileri - 68 shaqyrym, transformatorlar – 198.
«Barlyq osy jabdyqtarǵa qyzmet kórsetý kerek. Qalalyq bilim bólimine mektepishilik jelilerdi, al merdigerge barlyq qalalyq jelilerdi tekserýdi tapsyrdyq», - dedi ol.
Qala ákimniń orynbasary eger jasóspirimniń ólimine elektr toǵynyń soǵýy sebep bolsa, onda tiisti organdar bul úshin jaýap beretinin jetkizdi.
«Biz tergeý júrgizetin bolamyz. Bul qyzmet kórsetken nemese jumys istep júrgen burynǵy qyzmetkerlerdiń nemqurailylyǵy. Teoriia boiynsha, kompaniia kelisimshartqa qol qoiǵan kezde, kompaniia mindettemelerdi qabyldaǵan sátten bastap. Shartta munyń bári jazylǵan», - dedi Serik Gýcman.
