Aqtaýda jylqylar qoqys konteinerlerinen azyq izdep júr, - dep habarlaidy Tengrinews.kz tilshisi "Lada" portalyna silteme jasap.
Jergilikti turǵyn Rafaeldiń aitýynsha, búgin tańerteń, 22 tamyzda 6-shaǵynaýdanda jylqylardy kórgen.
"Ashyqqan janýarlar buta japyraqtaryn jep tursa jaraidy, biraq konteinerlerdi aqtarǵany. Olar taǵdyr tálkegine túskeni me?" - deidi Rafael.
Lada.kz quzyretti organdardan túsinik kútip otyr.
Eske salaiyq, tamyzdyń basynda qala turǵyndary "Aqbota" saiabaǵynda, 8-shaǵynaýdandaǵy №14 úidiń artynda jáne 6-shaǵynaýdandaǵy №21 úidiń mańyndaǵy aǵash japyraqtaryn jep jatqan jylqylardy videoǵa túsirgen bolatyn.
Bir aptadan keiin "Kaspiiskaia zvezda" turǵyn úi kesheni mańyndaǵy jaǵalaýda qaraýsyz júrgen janýarlar videoǵa túsirildi.
