Aqtaýda 12-shi shaǵynaýdandaǵy №61 úidiń janynda jappai tóbeles boldy, dep habarlaidy "Ult aqparat".
Oqiǵa 22 qyrkúiek kúni keshki saǵat 19.30 shamasynda bolǵan. Fýtboldan oiyn ótip, komandalar arasyndaǵy báseke barysynda №16 jáne №12 mektep oqýshylarynyń arasynda janjal týyndaǵan. Onyń sońy tóbeleske ulasady. Kýágerler oqiǵany videoǵa túsirip alyp, áleýmettik jelige taratqan.
MO politsiia departamentiniń habarlaýynsha, tóbeleske qatysqan balalar ustalǵan.
«102» kezekshi pýltine 12-shaǵynaýdanda tóbeles bolǵany týraly shaqyrý kelip tústi. Shaqyrýǵa patrýl politsiia batalonynyń qyzmetkerleri men ýchaskelik inspektorlar bardy. Atalǵan tóbeleske qatysýshylardyń barlyǵy ustalyp, jaýap alý úshin Aqtaý qalasynyń politsiia basqarmasyna jetkizildi. Tóbeleske qatysy bar jasóspirimder profilaktikalyq áńgimeden keiin úiine jiberildi. Atalǵan fakti «Buzaqylyq» baby boiynsha tirkeldi. Alaida, barlyq mán-jai anyqtalǵannan keiin qylmystyq is qozǵalǵan joq»,-delingen habarlamada.
Politsiia basqarmasyna eshqandai shaǵym túspegen.
Ata-analar politsiia basqarmasyna shaqyrylyp, iývenaldyq politsiia qyzmetkerleri men oblys ákimdigi janyndaǵy balalar quqyǵyn qorǵaý bóliminiń qyzmetkerleri ata-analarmen jáne olardyń balalarymen profilaktikalyq áńgime júrgizdi.
